*JARDUERA HONETAN KULTURA BONUA 2026 EZIN DA ERABILI.

__

8-10 urte

__

Data: Apirilak 7, 8, 9 eta 10

Ordua: 18:00-20:00

__

Lau saioko tailer honetan robotika hezitzailearen munduan murgilduko gara eta zenbait materialarekin egingo dugu lan.

Hasierako saioetan, Legoko Makina Arrunta Motordunak eta Wedo. 2.0 materialak erabiliko ditugu. Horien bidez, makina arrunten funtzionamendua ulertuko dugu: palankak, poleak, engranajeak, gurpilak, ardatzak… Gainera, motorren bidez mugimendua eta indarra nola eraldatzen diren ikasiko dute. Halaber, fisikaren oinarrizko zenbait kontzeptu praktikan jarriko dituzte (abiadura, indarra, frikzioa…).

Doty robot txiki eta erakargarria Tilk-eko tapete eta jarduerekin erabiliko dugu. Botoien bidez programatuko dugu (gailu digitalen bidez) proposatu dugun erronka ebatzi ahal izateko.

Intelino trenarekin ere egingo dugu lan. Kolore-kodeak erabiliko ditugu aginduak emateko. Ikasleek pistak diseinatuko dituzte eta jolasaren bidez ikasi, pentsatu, arrazoitu eta programatuko dute.

Aipatutako helburu pedagogikoez gain, zenbait gaitasun ere landuko ditugu tailerrean: lankidetza, kontzentrazioa, talde-lana, koordinazioa, sormena etab.

Habilitas | Habilitas ikastetxeetan robotika hezitzaileaz ikastaroak eta eskolaz kanpoko jarduerak eskaintzen dituen proiektu bat da. 2013an sortu zen Habilitas Hezkuntza izenarekin, hasieran Lego Education materialarekin lan eginez, eta geroago beste robot eta material pedagogikoak garatu eta erabiltzen hasi ziren, baita 200+ ikastetxetan erabilitako TILK edukiak sortu ere.