*JARDUERA HONETAN KULTURA BONUA 2026 ERABILI DAITEKE.

__

Amoranteren diska berriaren aurkezpena, Itziar Garaluzeren bisualekin lagunduta, diska berria izango denaren kanta ezberdinak aurkeztuko ditu. Honekin batera, bere mundu teluriko eta abangoardiakoa eta herri musikaren erpin ezberdinak lantzen dituen bitartean, aspaldiko orroak inbokatzen ditu, herri kantu garaikidearen bide ezberdinak jorratuz.

Amorante | Amoranteren atzean Iban Urizar Elgoibarko musikaria dago. Izen artistikoa Rodrigo Amarante musikari brasildarraren eta Enrique Morente flamenko kantariaren abizenak nahastuz sortu zuen, horiek baitziren miresten dituen bi artista. Bere hitzetan, egiten duen musika herritik, errotik, eta erraietatik ateratzen da.