*JARDUERA HONETAN KULTURA BONUA 2026 ERABILI DAITEKE.

__

MARGARITA MOLOTOV. Pez Limbo | Margarita Molotov deuseztatutako jatetxe batean kokatzen den proposamena da. Publikoa katastrofe betean dagoen jatetxe bateko bezero bihurtzen da, eta bertan, edozein ezbeharri aurre egitera ohituta dagoen emakume batek inoiz aurkitu duten dastatze xelebreena egiteko egokituko du. Simulakro baten eta agian zerbait gehiagoren artean, umorea eta katastrofea uztartzen ditu. Bi emakume dira erdigunean daudenak: aurrera jarraitzeko prest daudenak eta beren irrikak lortzeko lotsarik gabe zabaltzen dituztenak. Haien eskutik, Margarita Molotov kemenaren, desiraren eta gizatasunaren koktel eldarniotsu gisa aurkezten da.

HARRAPAKALAN. Ane Arrugaeta | Batzuetan, konplexuegia da gauza sinpleei buruz hitz egitea. Hori guztiagatik, pizten da balada honen melodia. Pertsonaia bidegurutzean bizi da, play eta pause-ren artean. Buruko korapiloen ertzak topatzeko nahi eta ezinean, galduta bezala. Zeruko ertzaren amildegian, presaka, ihesian edo bukle batean murgilduta. Agian, bere benetako beharraren bila.

GABIA | Sorkuntza eszenikoaren barrunbeetara begiratzeko sortutako zikloa da. Bere izena errementaritzako gabiatik dator: burdinari forma emateko erabiltzen den mailu handitik. Irudi horrek ekintzaren eta erreakzioaren arteko harremana iradokitzen du, baita talka, tentsioa eta eraldaketa ere.

Ziklo honek antzerkiaren atzean dauden prozesu eta mekanismoak jartzen ditu erdigunean, askotan ikuslearentzat ikusezinak diren elementuak azaleratuz. Era berean, “agoa, bero deño, galda” esaera zaharraren espiritua bere egiten du, une egokian jardutearen garrantzia azpimarratuz. GABIAk sorkuntza, gogoeta eta elkarrizketa uztartzen ditu.