*JARDUERA HONETAN KULTURA BONUA 2026 EZIN DA ERABILI.

—

BASOKO AZTARNAK | Basoa sekretuz beteriko lekua da… Eta animaliak ikusi gabe ere han ibili direla jakin daiteke! Tailer honetan, gazteak benetako natur ikertzaile bihurtuko dira: animalien oinatzak eta bestelako aztarnak aztertuko dituzte, arrasto bakoitza zein animaliarena den asmatzen saiatuko dira, eta basoko bizimodua hobeto ezagutuko dute. Amaitzeko, animalien oinatzen eta gorotzen erreplikak sortuko dituzte, etxera benetako esploratzaile baten oroigarria eramanez.

_

ELHUYAR STEAM | Elhuyarrek urte luzez antolatu eta gidatu ditu zientzia- eta teknologia-tailerrak, jakin-mina, esperimentazioa eta parte-hartzea sustatzen dituzten jarduerak eskainita. Esperientzia horren bidez, euskaratik, teknologiaz eta ezagutzaz baliatuz eta zientzia zabalduz, gizarte aktibo, kritiko eta berdinzalea eraikitzen laguntzen du.