*JARDUERA HONETAN KULTURA BONUA 2026 EZIN DA ERABILI.

__

LURDES IRIONDO, EZ GERA ALFERRIK PASAKO | Garai bateko zuri-beltzezko argazkietan izoztua gelditu den abeslari gaztea. Kapsulatua. Enkuadre baten barruan harrapatua, haren ahotsa diskoetan bezala. Ahaztuta, nonbait, ikuspuntua hautatu egiten dela. Ahaztuta, abeslaria izateaz gain, euskal kulturaren transmisioan ezinbesteko erreferentea ere badela Lurdes Iriondo. Transmisioarentzat haurrak ezinbesteko zirela ulertu zuen eta haientzat idatzi zituen liburuak eta antzerkiak.

INGE MENDIOROZ | 2016tik BEHIRADA izenpean lan egiten du, kamerari eta editore gisa. Diseinu Grafikoko eta ilustratzaile ikasketak ditu, eta GAZTEZULO aldizkarian maketatzaile aritu zen. Muntaketa eta postprodukzio masterra egin ondoren, hainbat filmetan lan egin du, hala nola “Handia” (2017) eta “Ez, eskerrik asko! Gladysen leihoa” (2019). 2021ean “Pioneras” film luze dokumentala zuzendu zuen. Hainbat agentzia, instituzio eta ekoiztetxerekin lan egin du, eta 2022an IHITTEN elkartearen sortzaileetako bat izan zen, Lasarte-Oriako emakumeen ikus-entzunezko taldea.

IDOIA GARZES | Kazetaria, idazlea eta gidoilaria da. Literaturan zein ikus-entzunezkoen arloan ibilbide oparoa egin du, memoria historikoa, emakumeen ahotsa eta euskal kultura ardatz dituzten lanak sortuz. Hainbat eleberri eta haur eta gazte literaturako libururen egilea da, eta azken urteotan dokumentalgintzan ere nabarmendu da. Inge Mendiorozekin batera “Lurdes Iriondo, Ez gera alferrik pasako” dokumentalaren gidoia idatzi du, Lurdes Iriondoren bizitza eta ondarea berreskuratzen dituen lana.