Kutxaz kanpo programaren aurkezpen honetan mahai, karta eta rol joko ezberdinen inguruko aurkezpena, jolasa eta hausnarketa bideratuko dira. 3 orduko iraupena izango duen saio ludikoa egingo dugu, adin guztiei eta euskara maila guztientzat zabalik egongo den jardueran. Honetan, Kutxaz kanpo programa, Badalab Hizkuntza Berrikuntza Laborategia eta Fikzio Fabrika kolektiboaren artean antolatutako pentsamendu eta hausnarketa bide berriak sustatzeko marko ludiko eta esperientziala da.

Euskararen etorkizunak eta euskal gizartearen erronka eta beharrez aldez aurretik ezarritako marko eta mugetatik haratago hitz egin, irakurri, entzun eta eztabaidatzeko hilabeteroko espazio berria izango da. Mahai, karta eta rol jokoek bestelako ikuspegi, prozesu eta dinamika batzuetan murgildu eta hausnarketarako baliabide garrantzitsuak eskaintzen dizkigute, beste batzuen larruan, beste egoera batzuetan, bestelako logiken baitan jarduteko. Proiektuak ludikotasuna hausnarketa kolektiboaren zerbitzura jartzea proposatzen du, kontzeptu, ideia edo erronka zehatzen gainean saioak antolatzeko.

*Doan edukiera bete arte.