Esantu ala hil | Euskararen indarberritze-prozesuaren momentu giltzarri honetan, hizkuntza-larrialdiaz eta euskararen bidegurutzeaz hainbeste hitz egiten den garaiotan, ekarpen bat egin nahi du liburu honek: beste betaurreko batzuekin begiratu nahi diogu euskararen egoerari, ikuspegi demolinguistikoan oinarrituz eta hizkuntzaren osasunari buruzko aldagai nagusiak aztertuz.

Datozen hamarkadetako bidea irudikatzeko, ezinbestekoa da begiak irekitzea: euskararen bilakaera eta egoera zein den ohartzea. Euskararen biharko ametsak esnatzea eskatzen baitu gaur. Horretarako helduleku izan nahi du liburu honek: begirada argitzeko tresna.

Iñaki Iurrebaso Biteri | Iñaki Iurrebaso Biteri (Legazpi, 1967). Euskararen egoera soziala du aztergai nagusi. Donostiako Udalean soziologo lanetan aritu zen (1992-2001); Aztiker Ikergunearen sortzaile taldeko kide eta bertako zuzendari tekniko izan zen (2001-2010); hainbat ikerketa soziolinguistikotan parte hartu zuen 2010-2016 tartean (Eusko Jaurlaritzarentzat, Soziolinguistika Klusterrarentzat….); EHUko Hezkuntza Zientziak saileko irakasle eta ikerlari izana (2016-2023), honako izenburua duen doktore tesia aurkeztu zuen 2023an “Hizkuntza gutxituen jarraipena, ordezkapena eta indarberritzea neurtzeko demolinguistikazko tresna metodologikoak garatzen. Euskal Herrirako aplikazio praktikoa.” 2023tik ikerketa teknikari dabil UEMAn.

___________________________

DOAN EDUKIERA BETE ARTE

___________________________