Sean Baker / 2017 / AEB / 112 min / 16 urtetik gorakoentzat

The Florida Project

The Florida Projectek sei urteko Moonee azkarraren eta haren askotariko lagunen istorioa kontatuko digu. Haurren uda-oporrak abenturaz eta bihurrikeriez beteta daude; inguruko helduek, aldiz, garai zailak bizi dituzte. Estatu Batuetan, bizileku iraunkorra ziurtatu ezin dutenentzat azken babesleku bihurtu dira motel merkeak. Gero eta gehiago dira behartsu ikusezin horiek, eta horietatik % 41 aterpea emango dien bizitoki bat izateko egunero borrokan ari diren familiek osatzen dute. Istorio hau Orlandoko aldirietan dago girotua; Orlando, planetako opor-hiriburu nagusia eta “munduko toki magikoenaren” etxea. Parke tematikoen eta turistaguneen lurraldea zeharkatzen duen errepidearen luzera osoan, bere garaian Disneyren mistika ustiatuz turistak erakartzen zituzten motel merkeek etxerik gabeko familiak hartzen dituzte gaur egun. Halako batean bizi dira Moonee eta haren ama Halley, 22 urtekoa: zehazki, Magic Castle motelean.

Filmazpit

Filmazpit, Zineuskadik finantzatutako programa bat da, euskarazko azpitituluak dituen zinema sustatzeko helburua duena Donostiako Nazioarteko Zinemaldia eta Euskal Filmotekaren laguntza ere badu. Programak Euskadiko zinemaldietan nahiz kanpokoetan proiektatzen diren filmak aukeratzen ditu, horien emanaldi-eskubideak eskuratzeko eta euskarara azpititulatzeko.

*Doan edukiera bete arte.