IAK-Izaskun Arrue Kulturguneak maiatzerako eta ekainerako kultur programazioa aurkeztu du, eta Poetak Maiatzean zikloak protagonismo berezia izango du. Ziklo honek hitza, musika eta euskarazko sorkuntza garaikidea ardatz hartzen dituzten hainbat proposamen bilduko ditu.
Ziklo hau IAKren maiatzeko kultur-jardueraren ardatz nagusietako bat bihurtu da, eta publikoari poesia, musika eta bertsolaritzaren arteko topaketa bereziak eskainiko dizkio:
IAKko Poetak Maiatzeaneko programazioa
- Maiatzaren 10ean: Hitzetik kantura solasaldia eta pieza performatiboak Mikel Urdangarin eta Leire Vargasekin
- Maiatzaren 19an: Bertsoak Versus bertso-saioa
- Maiatzaren 23an: Idoia Asurmendiren kontzertua
Ziklo honetaz gain, IAKko kulturguneak zinema, musika, arte biziak, tailerrak eta kultur topaketak barne hartzen dituen programazio zabala prestatu du, kultur sorkuntzaren eta hedapenaren aldeko konpromisoa indartuz.
IAKko maiatzeko eta ekaineko gainontzeko programazioa
Zinema
- Maiatzaren 27an: Maspalomas filma, EPH ziklo itxian
Musika eta arte biziak
- Maiatzaren 17an: “Prospektus Vitae” antzezlana Gontzal Uriberekin, GABIA ziklo berriaren barruan
- Maiatzaren 21ean: Desgaraian taldearen “Izan liteken guztia” diskoaren aurkezpen kontzertua
- Maiatzaren 29an: Matalazen kontzertua, INGUDEA zikloaren barruan
- Ekainaren 4an: Gariren kontzertua
Familia jarduerak
- Maiatzaren 10ean: Chirp, Honey Hillseko ikertzailea haurrentzako filma
Ikuskizunak
- Maiatzaren 7an: Punpairez late night show-a, BATBATEAN jaialdiarekin elkarlanean
- Maiatzaren 8an: Katakunba umorezko bakarrizketa
- Maiatzaren 15ean: 2026ko Arabako Eskolartekoaren 2. finalerdia, bertso-saioa
- Maiatzaren 24an: “Bizi Sintetikoak” irakurraldi musikatu lana Leire Vargas eta Jaime Nietorekin
Tailerrak
- Maiatzaren 9an, 16an, 23an eta 30ean: argazkilaritza analogikoaren tailerra
Beste batzuk
- Maiatzaren 6an: Zer leku du konpromiso politikoak euskal musikan? mahai-ingurua, Kanthoria eta Auto-tunea erakusketaren baitan
- Maiatzaren 9an: Teloia ireki aurretik “Xocolat”, bitartekaritza saioa
- Maiatzaren 28an: Bertsoa bizi gazte bideo podcastaren sari banaketa
Programazio honen bidez, IAK-Izaskun Arrue Kulturguneak kultura garaikidearen erreferentzia-gune izateko apustua berretsi du, tokiko sorkuntza eta diziplina, eta publiko anitzen arteko elkarrizketa sustatuz.
Informazio gehiago eta jardueretako ordutegi eta sarreren salmentaren xehetasunak webgunean daude eskuragarri: iak.eus
