Izaskun Arrue Kulturguneko (IAK) Literatura-idazketaren hastapenak ikastaroko lehen edizioaren parte-hartzaileen testuak

Izaskun Arrue Kulturguneko (IAK) Literatura-idazketaren hastapenak ikastaroko lehen edizioa 2024ko udazkenean egin zen Manu López Gaseni idazle eta itzultzaile gasteiztarraren eskutik. Horretan, ikastaroko parte-hartzaileak literatura-idazketaren lehen urratsak lantzeko batu ziren 2024ko irailetik abendura bitarteko asteazkenetan. Batik bat testu laburrak sortzeko teknika ugari proposatu ziren, konplexutasunean mailaz maila aurrera eginez. Argitalpen honetan ikastaro horretan landu eta garatutako zenbait testu argitaratu nahi izan ditugu, balioetsiko dituzten begietara hel daitezen. Hiru ataletan banatu dira testuak: “Mikroipuinak”, “Poemak” eta “Ariketak”; azken horretan, bakoitzaren goiburuan adierazitako baldintza landu da. On egin!