Heidi, katamotzaren erreskatea | Heidi zoriontsu bizi da aitonarekin batera Suitzako Alpeetan, natura bete-betean eta mendian aske. Uda kostaldean pasatzeko gonbita jasoko du; ilusioa egiten dio hara joateak, baina, zaurituta dagoen katamotz bat aurkituko du eta dena aldatuko da. Hari laguntzeko prest dago eta, Pello lagun-minaren laguntzarekin, katamotza zainduko du eta familiarengana eramanen du mendian. Hala ere, maite duten guztia arriskuan jarriko du anbizio handiko enpresari batek: zerrategi bat eta katamotz-tranpak jarri nahi ditu mendian. Heidik natura eta bere etxea babestu beharko ditu zirraraz eta paisaia ikusgarriz josita dagoen eta ingurumen-mezu indartsua darion istorio batean.

Txiki-zinema | Izaskun Arrue Kulturguneak antolatutako Txiki-zinema zikloari esker, haurrek zinemaz gozatu ahal izango dute lagun eta senideen konpainian. Euskarazko filmak izango dira protagonista, eta irudimenaren munduan murgiltzeko aukera paregabea eskainiko die, bai haurrei bai helduei. Udazken eta neguko igande goizetan izango dira saioak, 12:00etan. Jarraitu Txiki-zinemako programazioa eta ez galdu abentura magiko hau!

__

Oharrak: 12 urtetik beherako haurrek heldu batekin etorri beharko dute. Heldu bakoitzak, gehienez, 4 haur lagundu ahal izango ditu. Pertsona orok, adina edozein dela ere, gonbidapena beharko du. Pelikulen adin-gomendioa informazio modura eskaintzen da, baina ez da adin-mugarik ezarriko sarrerarako.

__________________

SARRERAK EROSI

__________________