Munduko etxeak |5 urtetik gora |Nola bizi garen jakinda, nolakoak garen ere ezagutu dezakegu. Baina, nola bizi dira beste herrialde batzuetako haurrak? Gertuko zein urrutiko kultura anitzen bizimodua nolakoa den ikasiko dute haurrek, eta horretarako, etxebizitzak eraikitzeko moduak aztertuko dira. Jarraian, eraikuntza teknika morfologia ezberdinetan oinarrituta etxebizitza berezien maketak eraikiko dituzte haurrek, eta espazioa bizitzeko eta erabiltzeko modu bakarrik ez dagoela ulertuko dute.

NONDIK arkitektura eta hezkuntza-ikerkuntza estudioa | Nondik estudioa Gasteizen kokatuta dagoen arkitektura eta hezkuntza estudioa da. Pertsonen bizi-kalitatea hobetzeko helburuarekin eta sormen-prozesuetan oinarrituta, inguratzen gaituzten espazioak eraldatzeko estrategiak garatzen ditu. Kultur eta hezkuntza espazioetan espezializatzen da. Nondik S.C. enpresaren atzean dauden langileak Ahinitze Errasti Etxeberria (arkitektoa, unibertsitate irakaslea eta pedagogian doktoregaia), Alejandro González Pérez (arkitektoa eta hezkuntza eta kultura espazioetan espezializatua) eta Irati Goikoetxea Faneca (arkitektoa) dira.