AGENDA

« Ekitaldi guztiak

TELOIA IREKI AURRETIK | ELARA

FAMILIA JARDUERA

Azaroak 7

*JARDUERA HONETAN KULTURA BONUA 2026 EZIN DA ERABILI.

Ordua: Arratsaldez

Nori zuzenduta: Lehen Hezkuntza – 2. eta 3. zikloak

Konpainia: Mar Mar Teatro

TELOIA IREKI AURRETIK | Beñat Etxepare programazioaren barruan dauden antzezlanetara joango diren ikastetxeetako familiei zuzendutako tailer honetan, haurrek eta gazteek, beren familiekin batera, ikastetxean ikusiko duten obraren gaiei aurrez hurbiltzeko aukera izango dute, dinamika erraz eta ludikoen bidez. Proposamena IAK eta Beñat Etxepare proiektuen arteko elkarlan baten bidez antolatu da, esperientzia artistikoa etxeetara ere eramateko eta familien arteko elkarrizketa zein kulturarekiko interesa sustatzeko.

ELARA | Unibertsoan barrena egindako bidaia, galerari eta bizitzaren balioari zentzua bilatzeko.

Elarak goizegi ezagutuko du galeraren esanahia, berarentzat oso gertukoa den norbait izar-hauts bihurtzen denean. Une horretatik aurrera, erantzunen bila galaxiak eta planetak zeharkatzera eramango duen aparteko abentura bati ekingo dio. Espazioan eta emozioetan barrena egingo duen bidaia honetan, doluaren fase ezberdinei aurre egin beharko die, bizitza, absentzia eta distantziaren gainetik irauten duten loturak hobeto ulertzen saiatzen den bitartean.

Oharrak:

Beñat Etxepare antzokira joango diren ikastetxeen familiei zuzendutako jarduera itxia izango da hau; horregatik, haur bakoitzeko familiako heldu batek parte hartu beharko du, eta heldu bakoitzak bi haur edo nerabeekin etorri ahal izango da.

Eskolek emango diete gurasoei “Teloia ireki aurretik” bitartekaritza-saioan izena emateko aukera, haien seme-alabek ikusiko duten antzezlana baino hilabete lehenago.

Jarduera euskaraz izango den arren, euskaraz ez dakiten gurasoek ere parte hartu ahal izango dute, xuxurlariak egongo baitira.