AGENDA

« Ekitaldi guztiak

TELOIA IREKI AURRETIK | TOCA TOCA

FAMILIA JARDUERA

Abenduak 12

*JARDUERA HONETAN KULTURA BONUA 2026 EZIN DA ERABILI.

Ordua: Arratsaldez

Nori zuzenduta: HAUR HEZKUNTZA

Konpainia: L’Horta Teatre

TELOIA IREKI AURRETIK | Beñat Etxepare programazioaren barruan dauden antzezlanetara joango diren ikastetxeetako familiei zuzendutako tailer honetan, haurrek eta gazteek, beren familiekin batera, ikastetxean ikusiko duten obraren gaiei aurrez hurbiltzeko aukera izango dute, dinamika erraz eta ludikoen bidez. Proposamena IAK eta Beñat Etxepare proiektuen arteko elkarlan baten bidez antolatu da, esperientzia artistikoa etxeetara ere eramateko eta familien arteko elkarrizketa zein kulturarekiko interesa sustatzeko.

TOKATOKA | Ehundura, kolore eta irudimenean barrena egindako zentzumen-bidaia.

Bi pertsonaia jolaserako propio prestatutako espazio batean elkartzen dira: ehundura, kolore eta ustekabez beteriko alfonbra handi batean. Oihalekin jolasean, mugitzeko modu berriak eta sentsazio ezberdin ugari aurkituko dituzte ukimenaren bitartez. Unibertso hori esploratzen duten heinean, etengabe eraldatzen diren paisaiak sortuko dituzte; bertan, gorputzak, ehunak eta irudimena izango dira ikusmenari eta zentzumenei zuzendutako esperientzia berezi baten ardatz.

Oharrak:

Beñat Etxepare antzokira joango diren ikastetxeen familiei zuzendutako jarduera itxia izango da hau; horregatik, haur bakoitzeko familiako heldu batek parte hartu beharko du, eta heldu bakoitzak bi haur edo nerabeekin etorri ahal izango da.

Eskolek emango diete gurasoei “Teloia ireki aurretik” bitartekaritza-saioan izena emateko aukera, haien seme-alabek ikusiko duten antzezlana baino hilabete lehenago.

Jarduera euskaraz izango den arren, euskaraz ez dakiten gurasoek ere parte hartu ahal izango dute, xuxurlariak egongo baitira.