*JARDUERA HONETAN KULTURA BONUA 2026 EZIN DA ERABILI.

__

Arabako SEADen Lagunen Elkarteak, Izaskun Arrue Kulturgunean aurkeztuko duen kontakizuna harilkatzen duen ipuina Kristina Berasainek idatzitako eta Eñaut Aiartzaguenak kolorez betetako ipuin bat du oinarri. Liburu hori saharar herriarentzako justizia eta memoriarekiko konpromiso irmo eta amets partekatu batetik jaio da. Muharen begiradatik, amona Lalaren oroitzapenen laguntzaz, herri honen historian murgilduko gara: dunak eta ozeanoak zeharkatzen dituen bidaia bat da, errefuxiatuen kanpamenduko isiltasuna herri libre bateko olatuen xuxurlarekin lotzen duena.

Arabako SEADen Lagunen Elkarteak, eLankidetza Lankidetzarako eta Elkartasunerako Euskal Agentziaren laguntzarekin argitaratutako ipuin honek gure inguruko haurrei saharar herriaren errealitatea gerturatzea du helburu, euskarazko haur literatura aberastuz.

Horrez gainera, ipuin hau, hassanierara itzulita, Tindufeko errefuxiatuen kanpamenduetara ere joango da. Hala, haur sahararrek beren historiari buruz irakurri ahal izango dute eta gogoratu, amona Lalak dioen bezala, beren desertuak itsasoa ere baduela eta itxaropena, zeruertza bezala, infinitua dela.