Nerea Mendizabal | Nerea Mendizabal psikopedagogoa, gizarte-animatzailea, haur-masajearen irakaslea eta Komunikazio Ez Bortitzean aditua da. Komunikazio Ez Bortitza ezagutzeko saio honetan interesa duen orok parte hartu dezake. Saio honetan jorratuko ditugun gai nagusien artean, komunikazioan urruntasuna edo gertutasuna sortzen duten elementuen kontzientzia hartzea, Komunikazio Ez Bortitzaren printzipioak, emozioen eginkizuna ulertzea, enpatia eta asertibitatea garatzea, eta nahi ez ditugun egoerak edo jokaerak bideratzeko tresnak ezagutzea daude.

Komunikazio ez-bortitzerako hastapenak | Zer gertatuko litzateke desadostasunak guztion onurarako eta harremana sendotzeko moduan kudeatzen ikasiko bazenu? Zuretzat garrantzitsuak diren pertsonekin duzun lotura zainduko duen komunikazio modu bat aurkitzea amesten duzu? Gustatuko litzaizuke zure beharrak eta bestearenak kontuan hartuko dituen irtenbideak aurkitzea? Gugan konfiantza handiagoa izan nahi dugu eta sentitzen duguna adierazi, haserrea eragiteko beldurrik gabe: gure bikotekideari, senideei, ikasleei, lagunei, nagusiei, eta abarri.

Hala ere, maiz, ez dugu esaten nahi genukeena edo esaten dugu nahi baino gehiago, eta ondorioz, ezinegona eta erruduntasuna sentitzen dugu, geure buruarekiko eta besteekiko. Prozesu honetan, Marshall Rosenbergek garatutako Komunikazio Ez Bortitza (KEB) izango dugu oinarri. Tresna praktiko eta eraginkor batean oinarritzen da, gurekin eta bestekin konektatzeko, adierazpen zintzoaren eta sentimenduak eta beharrak enpatiaz entzutean oinarrituta; betiere, egoera zailak konpontzeko, lankidetza eta errespetua ardatz hartuta; eta ez erasoa edo epaiak ardatz hartuta.

*Doan edukiera bete arte.